“ઘડીમાં હસે છે, ઘડીમાં ડસે છે, ખબર શું પડે કે એ શું કરે છે?
નશીલા નયન તો ફરી ફરફરે છે, ખબર શું પડે કે એ શું કરે છે?
બધાને ગમે છે, પરી-રંગ એનો, પૂનમનો ચહેરો, મીઠી અદાઓ,
હતું એ જ કારણ, બધાને ગમે છે, ખબર શું પડે કે એ શું કરે છે?
નજાકત ભરી છે, અદાવત ભરી છે, નજર છે બધાની, એની જ ઉપર,
થવાનું હતું એ થઈને રહે છે, ખબર શું પડે કે એ શું કરે છે?
મહેંદી ભરેલી હથેળી મજાની, ભરી રંગ લાલી રૂમાલ એમાં,
કહો ક્યાં કસર છે? બધાથી ચઢે છે, ખબર શું પડે કે એ શું કરે છે?
હતી સાન ક્યારે? હતું ભાન ક્યારે? પછી હોશ બાકી ક્યાંથી રહેશે?
અરે, એ કહી દે – ખુદાઈ મળે છે, ખબર શું પડે કે એ શું કરે છે?
તમારી જ વાતો, તમારી જ રાતો, તમારા જ દિવસો, વરસો તમારા,
તમારી જ ખ્વાહિશ આ દિલ કરે છે, ખબર શું પડે કે એ શું કરે છે?”
#દિનેશદેસાઈ
.png)
0 comments:
Post a Comment